Pajun ќе биде втор модел на Porsche којшто ќе се угледува на својот поголем брат и затоа во името ја носи кратенката „jun” од Junior или помал. Тој ќе биде спремен да пристигне на пазарот во 2016 година.

Откако малечкото на Cayenne, Cajun – (Cayenne Junior) доби зелено светло и на него веќе забрзано се работи, почнува работата и на малечкото на Panamera, Pajun – (Panamera Junior).

Според наводите од Цуфенхаузен малечкиот спортски седан на Porsche ќе мине долг пат во развој по што првиот примерок би излегол од поризводна лента во 2016 година кога ќе стартува и продажбата.

Како и Panamera и Pajun ќе има четири врати, комфорен салон, доволно простор во багажникот и што е најважно спортски перформанси.

Првичните информации наведуваат дека Pajun ќе носи мотор поставен напред и само заден погон. Изборот на агрегати ќе биде лимитиран, па така на почеток ќе се вградува само турбо бензинец V6 со моќност од преку 400 коњски сили.

Подоцна би се вградувал и новиот турбо дизел дело на развојните инженери на Porsche и на Audi кој исто така ќе биде V6, ќе има зафатнина од 3.0 литри и преку 300 коњски сили.

За во Pаjun сеуште не се планира вградување на погон на четири тркала, но развојот е на почеток и врмето ќе покаже што се ќе им падне на ум на развојните инженери.

Од Porsche велат дека Pajun нема да биде само купе со четири врати. Од него сигурно ќе произлезе и купе со две врати, но и кабриолет на негова основа. Се спомнува дури и комби верзија, но ова е малку веројатно дека ќе се случи.