Porsche не верува дека неговите автомобили можат да ги задоволат барањата на новиот стандард и затоа се закани со тужба доколку европската унија го прифати овој закон.

Сепак, во Porsche се обидоа да објаснат дека ваквата тужба во моментов е само теорија, со можност да прерасне во вистински случај, базиран врз основа дека еден таков закон би ги нарушил принципите за фер трговија внатре во европската унија.

Како и да е автомобили како што е еден Porsche 911 Turbo прикажан на фотографијата горе во моментов испушта 289 g/km CO₂ и не би можел да ги исполни барањата до крајниот рок во 2012. Во овој случај производителот би бил принуден да подготви тужба.

Извршниот директор на Porsche, Венделин Видекинг изјави дека предлогот за воведување на олку строги стандарди е наивен и дека во реалноста емисијата на СО₂ треба да биде различна во зависност од сегментот на кој му припаѓаат возилата.

Ако се направи поинаку тоа значи дека производителите на економични возила ќе бидат фаворизирани, додека производителите на луксузни и спортски автомобили ќе бидат казнети.