Porsche за салонот на автомобили во Лос Анѓелес подготвува посебна Panamera која ќе биде така наречен мелез меѓу Panamera S и Panamera Turbo и која ќе го носи името Panamera GTS.

Самото спомнување на мешавина навестува спарување на техниката од едниот и од другиот модел, но како ќе се случи тоа од Porsche откриваат малку детали. Првичната информација вели дека моделот ќе го задржи моторот од Panamera S.

Toa значи дека Panamera GTS под хауба ќе го пакува 4.8 литарскиот атмосферски V8 чија моќност од 400 КС ќе биде подигната на 430 КС, додека вртежниот момент ќе остане на исто рамниште од 500 Nm.

Погонот останува на четири тркала, но затоа во Panamera GTS ќе се вградува спуштеноте пневматско подвозје на Panamera Turbo како и посебните аеродинамички елементи на каросеријата и подот.

Дополнително ликот на Panamera GTS ќе биде како кај турбото што дополнително ќе го подгрева спортскииот елемент на автомобилот. Porsche ветува повеќе детали по премиерата во Лос Анѓелес.