Ambassador кој се прави на основа на заборавената серија три на Morris Oxford, се произведува во Индија од 1958 година. Но, кавгите внатре во фабриката Hindustan Motors од Утарпара го запреа производството. Повеќе од три седмици ниту еден автомобил не ги напуштил производните ленти.

Штрајкувачите не ги пуштаат добавувачите да влезат внатре во фабриката и поради тоа нема ниту нови автомобили. Продажбата на стариот Ambassador бележи катастрофални бројки подолго време, бидејќи купувачите во Индија се одлучуваат за нови покомфорни и понапредни автомобили. Овој штрајк би значел крај за малата лимузина.

Ambassador забележувал многу подобрувања во тек на изминатите пет децении. Клима уред и серво се дел од новите опции. Сменети се и моторите. Денес купувачите на Ambassador можат да бираат меѓу 1,5 и 2,0 литарските дизели или 1,8 литарскиот бензинец на Isuzu. Дури постои модел што работи на компримиран природен гас или CNG.

И покрај измените Ambassador завзема само 1 процент од 1,4 милиони автомобили продадени во Индија секоја година. Новите модели од индустрискиот џин Tata можат да го истиснат Ambassador од патиштата за секогаш.