Очигледно е дека концептот на Alto е многу блиску до сериска верзија. Тука нема никаква екстраваганција својствена за концептите ниту пак се понудени технолошки новини кои би требало да пристигнат во иднина.

Suzuki е доста приземјен со овој така наречен концепт на Alto. Она што го нуди како информација за сега е дека автомобилот има пониска потрошувачка на гориво во однос на актуелниот модел и пониска емисија на СО₂ но не се наведува нејзината вредност.

Новина кај концептот Alto е поголемата моќност на моторот, подобри перформанси благодарение на пониската тежина во однос на сегашниот Alto и подобри динамички карактеристики.

Понатаму Suzuki наведува дека е сменет и ентериерот и подобрена е возачката позиција. Кабината нуди повеќе простор за патниците, а зголемен е и волуменот на багажникот.

Други информации за сега нема. Единствено се знае дека новиот Alto на пазарот ќе пристигне некаде во 2010.