Honda во Детроит претстави две концептни верзии на чија основа треба да биде создадена новата, девета по ред, генерација на Civic. Концептите го предочуваат изгледот на купето и на седанот.

Преку концептите Honda ja најавува новата плтаформа на која ќе биде поставена новата генерација на Civic која ќе се одликува со многу посовремен дизајн како надвор така и внатре и многу поефикасни мотори.

Доколку Honda одлучи да ја запази својата традицијаво која сериските модели безмалку се иднетични со концептите може да се очекува дека новите изведби на Civic ќе личат токму како купето Civic Si Concept и седанот Civic Concept.

Во моментот јапонскиот производител открива многу малку за концептите. Ентериерот е комплетно сокриен, а не се говори ништо ниту за моторната понуда. Освен дека се работи за нова генерација на суперштедливи и моќни агрегати.

Како што доликува на Honda моторите се опремени со нова генерација на i-VTEC системот за варијабилно управување со вентилите, а се најавува и вградување на хибриден погон сличен на купето CR-Z, но со литиум-јонски батерии.

Она што неофицијално се знае за новите мотори на Honda, a за што веќе пишувавме, е развојот на турбо бензинец од 1.6 литри кој ќе се нуди во две изведби послаба со 160 КС и помоќна со 200 КС.

Покрај стандардните изведби на купе и седан верзијата, новиот Civic ќе има и две жешки изведби кои ќе ја носат наставката Si во името, а покрај хибридот најавена е и верзија која работи на компримиран природен гас CNG.

Се очекува купето и седанот до деветата генерација на Civic да се појават на пазарот во текот на пролетта. А што ќе се случува со хечбекот кој е резервиран за пазарот во Европа од Honda сеуште не откриваат.

Honda Civic Concept

Honda Civic Si Concept