Најновиот изданок од миланската лоза на Спортското срце, Giulietta, пристигна во Македонија во придружба на егзотичната холивудската убавица атрактивната Ума Турман која е нејзиното заштитно лице.

Alfa Romeo остана доследна на ветеното пуштајќи ја својата нова Giulietta на Западно европските пазари кон крајот на мај и следствено на останатите пазари во Европа каде на ред дојде и Македонија.

Средината на месец јули го означува стартот на продажбата на блокбастерот на Alfa, Giulietta која доаѓа во комплетна понуда како од основниот модел 1.4 TB 120 Progression кој стартува од 18.990 евра до врвот на понудата 1750 TBi 235 Quadrofoglio Verde за кого треба да се издвојат 26.900 евра.