Во Куршумли Ан, еден од најпознатите објекти на Старата Скопска Чаршија во склоп на првото издание на Skopje Design Week 2011, Porsche Makedonija го претстави новиот Volkswagen Tiguan.

Станува збор за втора генерација на Tiguan која во Македонија пристигнува паралелно кога и на останатите пазари во Европа. За него велат дека во с`рж е непогрешливо Volkswagen, но сепак е нов и поинаков.

„На овој начин изведена комбинација на стил, елеганција, луксуз и способност за совладување непристапен терен досега немаше,” вели Владимир Димитровски Бренд менаџер на Volkswagen.

„Интересен е склопот меѓу современото и традиционалното. Кај Tiguan доминира умешното комбинирање на традиција и современост, внимание за детали, префинетост, воспоставување на совршена рамнотежа меѓу нагласеност и одмереност,” заврши при претставувањето Димитровски.

„Oва е уште еден бест-селер на VW кој плени со својот експресивен настап и апсолутен квалитет. Произведен од врвни материјали и со неоспорни перформанси, како и сите останати автомобили,” истакнува генералниот директор на Porsche Makedonija, Златко Муцунски.

„Tiguan ќе го задоволи копнежот за нов енергичен и динамичен партнер за живот во движење и постојана возбуда,” заврши Муцински.

На премиерата на новиот Tiguan, во присуство на многубројни претставници на седмата сила, огромен број клиенти и љубители на дизајнот и автомобилите Porsche Makedonija прослави две престижни награди:

Најдобар работодавач за 2011 година, како и титулата Супербренд за 2011/12 година кои ја покажуваат прогресивната линија на успешното работење на оваа компанија.