Иако заглавена во една од најголемите акции за отповикување заради грешка на своите возила Toyota побрза да го најави претставувањето на новиот RAV4 кое е закажно за претстојниот салон во Женева.

Како што е најавен фејслифтот на новиот RAV4 опфаќа модернизирање на предната маска, поставување на нов браник, редизајнирање на предните светла и на светлата за магла.

Барем тоа е она што може да се забележи кај предницата. Задниот дел сеуште останува да биде сокриен под велот на тајната. Најавени се измени и за во ентериерот, но нема информации што се ќе опфаќаат тие.

Што се однесува до механиката RAV4 треба да добие одредени подобрувања, а обновени ќе бидат и моторите кои припаѓаат на новото семејство на агрегати на Toyota наречено Optimal Drive.

Последен пат RAV4 е обновен во 2008 кога доби нова маска, преден браник и задни светла. Повеќе информации се очекуваат на премиерата во Женева.