Во споредба со актуелниот модел измените се однесуваат на подигнување на перформансите на моторите и намалување на емисијата на издувни гасови и секако потрошувачката.

Инженерите задолжени за развој на мотори тврдат дека перформансите на моторите, моноста и вртежниот момент се зголемени за 20%, додека потрошувачката и емисијата на издувни гасови, пред се, јаглероден диоксид за 12%.

Моторната понуда се состои од два атмосферски бензинци од 1.6 и 1.8 литри со варијабилно управување на вентилите или VVT-i кои снагата на предните тркала ја пренесуваат преку шест степен мануелен менувач или преку новиот континуиран варијабилен менувач CVT, Multidrive S.

Дизелите ги застапуваат познатите четири цилиндерци со трубо натполнење D-4D од 2.0 и 2.2 литри.

Новата генерација на Verso нуди значително повеќе простор во внатрешноста благодарение на поголемите димензии. Ванот во должина е растегнат за 70 mm, а меѓуоскиното растојание е продолжено за 20 mm.

Новиот дизајн кој потсетува на Avensis, поголемите димензии условиле и подобрување на аеродинамиката, па така коефициентот на отпор на воздух и изнесува Cd 0,29.

Поголемиот простор во кабината е искористен за поудобно сместување на седум возрасни патници. Од Toyota најавуваат нов систем за склопување на вториот и треиот ред седишта наречен Easy Flat.

Според нив Easy Flat ќе овозможи лесно преклопување на секое од задните пет седишта кои ќе можат да се преклопуваат индивидуално и на тој начин да овозможат поголема варијабилност.

Перформансите, цената и останатите детали околу новиот Verso ќе бидат објавени на претставувањето во Женева.