Porsche ги објави првите официјални информации за својот нов модел 911 GT2 RS кој претставува уште полута верзија на спортистот GT2 на чија основа е поставен, но е значително понервозен.

Она што доаѓа од Porsche се куси информации, но и најважните би рекле. Значи почнуваме од моторот. Боксер зафатнина од 3.6 литри распоредени во шест цилиндри два турбо полначи и моќност од 620 КС.

Во исто време моторот нуди пониска потрошувачка од GT2 за околу 5% или во просек 11,9 L/100 km. Ова се должи и на помалата тежина за 70 kg. Односно GT2 RS со сите течности без полн резервоар тежи 1.370 kg.

Иако е полесен GT2 RS е значително помоќен од GT2 плус 90 КС и има сooднос снага спрема тежина од 1 КС на 2,21 kg.

Снагата се пренесува до задните тркала преку шест степен мануелен менувач. Нема друга опција. Сопирачките дискови се од карбон-керамика, сопирачките клешти напред имаат шест клипа, а назад четири клипа.

Гумите специјално развиени за GT2 RS имаат димензии 245/35 ZR19 напред и 325/30 ZR19 назад, a леснометалните бандажи се прицврстуваат со една навртка. Комплетно ново е и потпирањето развиено до бел лист хартија како што тврдат инженерите од Цуфенхаузен.

Леснотијата како од градбата на шасијата и каросеријата доаѓа и од наново уредената кабина која изобилува со карбон-фибер од кого се изработени и тркачките кади, а ремените по желба можат да се врзуваат во шест точки.

Според официјалните мерења на фабричкиот тест тим 911 GT2 RS е способен да забрза до 100 km/h за 3,5 секунди, до 200 km/h за 9,8 секунди, до 300 km/h за 28,9 секунди и да достигне максимална брзина од 330 km/h.

И за крај најслаткото. Производството е лимитирано на серија од само 500 примероци, а секој од нив во основната варијанта чини 199.500 евра секако без давачки и без посебни желби од страна на клиентот.

Светската премиера е закажана за салонот во Москва на 25. август, додека првите примероци ќе можат да се нарачаат од септември.