Volkswagen го напушта концептот на атмосферски шест цилиндaрец од 3.2 литри со распоред на цилиндрите во V во Golf R32 и се прeфлра на современиот турбо бензинец од 2.0 литри кој остварува повеќе коњски сили.

Со вградување на поголем турбо полнач и измени во електронскиот менаџмент на моторот, дволитарскиот турбо кој работи и во Golf GTI, сега ја подигнува моќноста на 270 коњски сили што е за 20 коњски сили повеќе од моќноста на 3.2 V6 од R32.

И бидејќи новиот мотор е полесен и помалку притиска врз предната оска R20 T ќе има значително подобри возни карактеристики и ќе биде лесен за управување исто како GTI.

Со олкава моќност R20 T фаќа темпо 100 за околу 5 секунди, што е за цела секунда подобро од R32 и само неколку десетици од секундата полошо од BMW M3 со моќниот V8 под хауба.

Максималната брзина на R20 T ќе биде електронски ограничена на 250 km/h, па така тјунерите што ќе успеат да ја тргнат оваа електронска блокада ќе можат да бришкаат значително побрзо од фабричките примероци.

Одговорните во VW наведуваат дека истиот агрегат ќе биде поставен и во спортската верзија на Scirocco која најверојатно ќе ја носи истата ознака R20 T.

Сепак сеуште не се знае дали Golf R20 Т ќе има погон на предните или на сите четири тркала како R32. Со оглед на перформансите втората опција е поверојатна бидејќи ќе придонесе за максимално испорачување на моќните коњи врз асфалтот без загуби.

R20 T ќе може да се добие со две менувачки кутии. Мануелна и DSG, и двете со шест степени на пренос.

Визуелно Golf R20 T се разликува по впечатливиот преден браник со интегриран спојлер и LED за возење дење, маската порабена со две линии, испакнатите арки над тркалата и широките гуми поставени врз леснометалните бандажи со нов дизајн.

Одзади се забележуваат новиот поголем спојлер на кровот и задниот браник со централно поставени две издувни цевки, интегриран дифузор и отвори за одвод на топлиот воздух од сопирачките.

Се очекува R20 T да и биде претставен на јавноста на патеката во Нирбургринг во мај годинава, а продажбата во Германија ќе стартува дури кон крајот на годината.

Прогнозерите велат дека R20 T ќе стартува со цена од околу 27.000 евра за верзијата со три врати, додека верзијата со пет врати би била поскапа за околу 1.000 евра.

Главен конкурент на Golf R20 T е новиот Ford Focus RS со моќност од 300 коњски сили.