Септември е најуспешниот месец за Skoda во последните 16 години, а се продадени вкупно 56.384 автомобили.

Во деветте месеци од годинава најпродаван модел на Skoda e Octavia со повеќе од 169.000 продадени автомобили, а според директорот за продажба на Skoda одлично се продава и новата Fabia.

Пријатно изненадување за Skoda е што најголем предизвикувач на растот на продажбата е моделот Roomster со продадени 47 илјади автомобили од почнувањето на продажбата до крајот на септември.

Најмногу автомобили Skoda продала во Европа 316.000 од кои 249.000 во западно европските земји, а малку повеќе од 67.000 во земјите од Источна Европа.

Интересно е што Skoda постигна голем продажен успех и во Кина каде за само три месеци се продадени над 14.000 автомобили.