И покрај звучното име Coupe во Rеnault одлучиле да не одат во насока на класичен GT со две врати туку се задржале на практичната страна на автомобилот кој воедно е конструиран да пружи и голема доза на задоволство на сопственикот и секому што ќе седне зад волан.

Без оглед на верзијата и берлината со пет врати и купето ја делат истата платформа каде суспензијата се состои од опружна нога од типот McPherson напред и торзиска оска одзади со еластични елементи кои дозволуваат контролирано поместување на оската со што се подобрува лежењето на пат и стабилноста на задникот во свијоци.

Инженерите во Renault уверуваат дека постигнале ефект на мултилинк задна оска по значително пониска цена. Плус Megan Coupe стои за 12 mm поблиску до подлогата и носи поцврсти пружини и амортизери со што дополнително се подобрени возните својства.

Иако спортски ориентиран под хаубата на Megane Coupe работат истите мотори како кај берлината. Бензинците од 1.6 литри со 100 и 110 коњски сили и 2.0 литарецот со 140 коњски сили.

Дизелската понуда се состои од 1.5 и 2.0 литарските dCi со дијапазон на моќност од 85 до 130 коњски сили. Понатаму се очекуваат и дизелски верзии со 150 и 160 коњски сили, но и турбо бензинецот 1.4 TCE со 130 коњски сили.

Моќноста до предните тркала се пренесува преку шест степениот мануелен менувач кој доаѓа сериски, додека како опција се нуди и CVT безстепениот автоматик.

Внатре се истакнува дигиталната табла со инструменти, отклучување/заклучување и старт на моторот без клуч превземено од втората генерација, конекција Bluetooth, високо квалитетен аудио систем и сателитска навигација како опција.

Комерцијализацијата на Западно европскиот пазар на Megane Coupe стартува во ноември, а до крајот од годината треба да се појави и на останатите пазари.