Бразилците ќе бидат први што ќе имаат прилика да седнат зад воланот на Stepway, бидејќи првичното производство стартува во фабриката на Renault во Куритиба, а подоцна производството ќе се прошири и во Аргентина.

Sandero Stepway е создаден на основата на нискобуџетниот хечбек со пет врати Sandero кого францускиот производител освен во Јужна Америка, планира да го произведува и во Романија и да го продава со беџот на Dacia.

Интересен податок е што во Renault се исклучително горди и веруваат во својот нов производ бидејќи за Sandero во Бразил даваат гаранција од три години или 100.000 km. 

Stepway е значително повисок и има поголем клиренс во однос на автомобилот од кого е изведен. Накитен е со нови помасивни браници, нова предна маска, шини на кровот во кои е вкомпониран и задниот спојлер, странични алуминиумски одбојници кои ги чуваат праговите и хромирана издувна цевка.

На почеток Stepway ќе биде достапен само со еден мотор. Се работи за 1.6 литарскиот Hi-Flex кој произведува 112 коњски сили и кој работи на биоетанол Е85. Но, откако производството ќе се префли и во Аргентина, на располагање ќе бидат и популраните дизели на Renault, dCi.

Дали Sandero Stepway ќе се произведува во Европа сеуште не се знае и покрај тоа што обичниот Sandero е најавен за европскиот пазар.