На специјална конференција за печатот бренд менаџерот на Renault, Жером Стол најави дека мраката нема да работи на нова генерација на Wind бидејќи моделот не ги остварил очекувањата.

Renault планираше малиот родстер да освои дури 75.000 купувачи во текот на минатата година, но на крајот од годината продажните резултати велат дека се остварени едва 10% од предвидената бројка.

Имено Renаult Wind лани стигна од 6.900 купувачи заради што неговата иднина е само музејот на компанијата. Познавачите на оваа проблематика наведуваат дека еден од проблемите е недостаток од дизел во гамата и место само за два патници.