Цената на Twingo Freeway би требало да изнесува околу 7.500 евра, што е за околу 1.000 евра поевтино од најевтината верзија на Twingo што се продава кај нас.

Со новата цена Twingo ќе биде далеку поевтин од конкурентите во класата и се изедначува со цената на Dacia Sandero. Сепак, во Renault сеуште не прецизираат во кои европски држави ќе се продава Twingo Freeway и дали ќе пристигне и во Македонија.

Според податоците кои доаѓаат од матичната куќа Twingo Freeway ќе биде задвижуван од познатиот бензинец на Renault со зафатнина од 1.2 литри и моќност од 60 коњски сили.

Twingo Freeway сериски ќе биде опремен со ABS и EBD, две воздушни перници, централна брава со далечинско, електрика на стакла, радио со CD со два звучника со моќност од по 15W и волан кој се мести по висина.