Веќе пишувавме дека целта на проектот е електроавтомобилот да се претвори во практична реалност. Но, очигледно овој проект е само мал дел од амбициите на Renault. Има информации дека Renault самостојно стартува со развој на сопствен електроавтомобил.

Станува збор за проект во за кој ќе биде ангажирана и партнерската фирма Nissan заради кратење на трошоците, но и заради заедничката определба за производство на електрични автомобили. Забрзаниот развој треба да вроди плод уште во 2010, кога ќе се комерцијализира овој електроавтомобил и ќе биде комплетно нов модел кој ќе застане во сегментот на мини автомобилите.

Потврдата за електроавтомобилот на Renault доаѓа директно од директорот на компанијата Патрик Пелата кој истакна дека новиот модел ќе се појави на пазарот пред Олимписките игри во Лондон во 2012.

За разлика од Renault електроавтомобилот во Nissan нема да биде поставен на нова платформа туку ќе биде произџведен на основата на сегашниот мал автомобил на Nissan, Cube.

Електроавтомобилот на Renault по големина ќе биде како сегашниот Twingo и ќе се нуди со две акумулаторски батерии една мала за кртаки релации како што е возењето низ град и една голема за долги патувања кои ќе трајат повеќе од еден ден.

Најавата дека во Renault владее голема заинтересираност за електроавтомобилите ја предочи концептот Zoom кој се појави далечната 1992.