Наградата AutoBest се доделува секоја година за најдобриот автомобил кој се продава на така наречените новорастечки пазари во Европа. Тоа се Бугарија, Кипар, Чешка, Хрватска, Унгарија, Македонија, Полска, Романија, Русија, Србија, Словачка, Словенија, Турција, Украина и Грција.

Годинава за најдобар автомобил од петте финалисти Chevrolet Aveo, Dacia Sandero, Ford Fiesta, Mitsubishi Lancer и Renault Symbol, беше избран новиот автомобил на Renault, моделот Symbol, кој ќе се продава и под името Thalia.

Renaut Symbol ја понесе наградата поради својата елегантна и голема каросерија, практичност, економичност и исклучително голем комфор за својата класа и ценовна категорија. Членовите на жирито беа доста децидни во својот избор бидејќи 10 од 15 гласаа токму за Symbol.

Минатата година за AutoBest беше избран Fiat Linea.

Дополнителна причина за освојување на наградата беше одличната економичност на Symbol. Имено во септември за време на натпреварот Eco Challenge во Турција, Renault Symbol задвижуван од 1.5 литарскиот турбо дизел dCi со 85 коњски сили успеа да постигне просечна потрошувачка од 3.15 L/100km.

Секако оваа потрошувачка беше постигната со придржување кон одредени правила за економично и еколошко возење пропишани во правилникот на овој Eco Challenge.

Сепак, тоа не ја намалува вредноста на потрошувачката, но и на емисијата на СО₂ која изнесувала само 85 g/km.

По патиштата низ Турција победничкиот автомобил извозел 1.430 km со просечна брзина од 63,6 km/h. По минувањето низ целната линија резервоарот на Renault Symbol содржел уште 8 литри гориво.

Со пресметување се утврдило дека доколку продолжел да вози со преостанатото гориво Renault Symbol вкупно би минал преку 1.700 km со еден резервоар.

Под името Thalia овој автомобил е се пордава на пазарите во Балтичките земји, Чешка, Крватска, Унгарија, Црна Гора, Полска, Србија и Словачка.