Во хиерархијата на марката, W2 ќе биде позициониран под 750Е, односно поранешниот Rover 75. Компактната лимузина се одликува со спортска линија.

Динамиката во страничниот дизајн ја даваат изразените прагови и линијата на покривот што се спушта како кај купе. Во внатрешноста W2 останува верен на британската школа на производство на автомобили и прикажува игра од темни и светли површини, облагородени со апликации од дрво.

Во средишната конзола е големиот монитор во боја. За заштеда на тежина, основата на седиштата е изработена од магнезиумска легура. Кинезите не ги откриваат детаљите околу погонската механика на лимузината. Но, затоа со гордост тврдат дека лимузината ќе ги задоволи критериумите на EuroNCAP краш-тестот за да го псотигне максимумот од пет звездички.