После цела година борба за спасување на Saab, сопственикот на компанијата и нејзин генерален директор Виктор Мулер се предаде и се обрати до судот за да поденесе документи за банкрот.

Мулер на пресконференција наведе дека General Motors не сакал да даде одоброение за користење на неговите технологии на кинеските компании заради што парите за спас на Saab нема да стигнат и компанијата банкротира.

Сега ќе биде потребен извесен период додека судот се произнесе и назначи стечајни управници кои ќе ја следат продажбата на активите на компанијата.

Во официјалното соопштение на Swedish Automotive, компанија која ја поседува марката Saab Automobile, се вели дека по одбивањето на GM да даде согласност за зделката, кинеската компанија Youngman неможе да го финансира Saab заради што шведскиот производител на автомобили мора да објави банкрот.

Така зклучуваат и акционерите во компанијата кои сметаат дека објавувањето на банкрот и продажба на активите на компанијата е најдобар потег. Секако ова ќе отвори многу прашања во поглед на вработените во компанијата, но тие проблеми ќе се решаваат во од.

Да се потсетиме Swedish Automotive сакаше да продаде 100% од акциите на Saab на кинески компании, но General Motors стави вето на зделката бидејќи на тој начин кинезите ќе дојдат до некои нивни технологии.

По ветото на General Motors и по неуспевањето на Мулер да ги убеди американците, кинезите се откажуваат од финансирањето на Saab.