Откако Volkswagen го претстави Up! и ја најави неговата верзија со пет врати, a Skoda, Citigo, на ред дојде и третиот мал пулен на групацијата која ќе се продава под беџот на Seat и ќе го носи името Mii.

Со претставувањето на малечкиот Mii, Seat се враќа во за него познатиот сегмент бидејќи до 2005 година ја произведуваше малата Seat Arosa, која беше пандан на Volkswagen Lupo.

Стартот на продажбите на Seat Mii е закажан за ноември, но само за домашниот пазар во Шпанија. Останатиот дел од Европа треба да го добие Mii на пролет следната година, односно во исто време кога доаѓа и Skoda Citigo.

Seat истакнува дека цената на Mii ќе биде иста како онаа на Citigo, односно ќе се продава за помалку од 10.000 евра. Mii ќе носи две нивоа на опременост Chic и Sport. И моторната понуда останува како и кај Citigo.

Значи нема погон на компримиран природен гас CNG како кај Up!. Затоа пак тука е штедливата верзијата Ecomotive која како и BlueMotion на Up! и Green Tec на Citigo нуди систем Start&Stop и регенрација на енергијата од сопирачките.

Покрај мануелниот менувач Mii ќе нуди и автоматик потпомогнат од два електрични мотори за потечно и понежно менување на степените. Ќе се нуди и системот City Safety Assist како кај Up!.

Seat во Mii го превзема и преносниот информациско-забавен уред, PID кој ги обединува навигацијата, телефонот, информативниот систем и системот за забава.