Забележливо е влијанието од концептот Bocanegra претставен на салонот во Женева со масивно дијагонално испакнување кое почнува од врвот на предното крило до задните тркала и препознатливите впечатливи задни светла.

Сепак, елементот што најмногу очаруваше кај Bocanegra, предниот браник кој на автомобилот му даваше агресивен лик за во SC е испеглан и смирен и најверојатно во Seat го чуваат за лутиот спортист Cupra.

Моторната понуда SC ќе ја наследи од моделот со пет врати, заедно со новиот седум степен менувач со две спојки кој дебитираше во VW Golf. Нормално за него ќе се доплаќа, а за почеток ќе се нуди само со 1.6 литарскиот бензинец со 105 коњски сили и ќе биде првиот DSG менувач што се вградува во оваа класа на автомобили. Тој нуди покуси прв и втор степен на пренос за подобро забрзување.

Името SC и сето она што ги поврзува љубителите на Seat со жешката Ibiza се спортските верзии FR и Cupra за кои во Seat сеуште молчат. Нивното појавување на пазарот се очекува, но се чини дека во Seat сакаат да ја подгреваат атмосферата и да ги држат своите фанови во неизвесност. Но, не за долго.

Официјалната премиера на Ibiza SC е закажана за следниот месец на британското мотор шоу кога се очекува да бидат обелоденети плановите за FR и за Cupra.