Освен неколку компјутерски генерирани фотографии Skoda не објави никакви информации за концептот на спортската верзија на Fabia. Единствено се знае дека треба да се појави на пазарот во 2010.

Вообичаено е за Skoda своите важни проекти да ги држи во најсторга тајност. Впрочем така беше и со Yeti. Се што може да се дознае за новиот малечок спортист Fabia RS е од неколкуте фотографии.

Концептот го карактеризира каросерија обоена во две бои, лак црни леснометални бандажи, нови браници напред и назад кои допринесуваат за спортскиот изглед на RS, интегриран дифузор во задниот браник, спојлер на кровот, црна маска и црна основа за предните светла.

Визуелниот настап во две бои се пренесува и во внатрешноста во која е поставен спортски волан, бушени алуминиумски педали и спортски предни седишта.

Fabia RS е единствениот спортски модел наменет за во серија кој стои во плановите на Skoda. Производителот од Млада Болеслава минатата година ја најави Octaviа RS+, но за сега од неа нема ниту глас.