Продукцијата за годинава е предвидена на 580.000 автомобили, но според шефот на Skoda, Детлеф Витиг се очекува бројката да нарасне на околу 616.000 автомобили.

За новите пазари во план нов модел кој ќе биде позициониран под сегашната Fabia, додека за во Европа ќе има освежување со нов Superb и освежена Octavia.

Производството во Кина во моментов изнесува 30.000 автомобили, а се очекува раст до 100.000 возила пред 2010. Освен Кина, Skoda ќе се сврти и кон Русија и кон Индија со планирани инвестиции од 300 до 400 милиони евра секоја година до крајот на декадата.

Во моментов Skoda е најголемата компанија во Чешка и минатата година ја заврши со приход од 7,1 милијарди евра и произведени 556.347 автомобили.