Иако е сличен со скоро секој Seven што е претставен од 1957 година, X330 е најекстремната верзија што до сега е излезена од погоните на Caterham. За основа е земена верзијата CSR 260 претставена во 2005 година со независна суспензија што е најзначајна новина воведена во животниот век на Seven.

Серискиот CSR доаѓа со 2.3 литарскиот Duratec на Ford кој е навиен за да испорачува 260 КС, доволно за да овозможи соодносот моќ-тежина да отиде на 456 КС на тон. Но, тоа не е доволно за X330.

Како што наговестува името, X330 е наполент со 330 КС благодарение на механички компресор. Вртежниот момент исто така е зголемен од 300 на 320 Nm во споредба со CSR 260.

X330 е и полесен од CSR поради новата челична легура со која шасијата има поголема цврстина иако е изработена од цевки со потенок ѕид. Карбон е користен секаде каде што дозволува конструкцијата, дури и за лесниот шест степен мануелен менувач.

Според сегашните планови на Caterham, X330 нема да влезе во сериско производство и е создаден колку да му покаже на светот во кој правец се движи развојот на Seven.

Сепак, како и кај претходниот модел, доколку се јават доволен број на интересенти веруваме дека одговорните во Caterham не ќе можат да му одолеат на предизвикот.