SsangYong е најмалиот производител на автомобили од Јужна Кореа кој поради малиот капитал и финансиската криза е исправен пред големи проблеми. Единствен спас за компанијата во моментов е помош од надвор.

Сопственоста над SsangYong ја има кинеската групација Shanghai Automotive Industry. Од таму се очекува план и финансиска инекција за да се спаси компанијата. Доколку ова не се случи голема е веројатноста SsangYong да пропадне.

Shaghai Automotive го купи контролниот пакет акции на корејскиот производител пред три години и оттогаш SsangYong бележи добри продажни резултати, но специфичните модели кои повлекуваат висока цена не се иделен производ во една економска криза.

Токму поради ова падот на продажбата и загубата се драстични во овој тежок период.

Сега во SsangYong се вработени 8.000 луѓе кои неможат да добијат плата бидејќи продажбата во последните 10 месеци опаднала за 30%, а компанијата е принудена да затвори преку 60 дилерски места само во Кореа.

Судбината на SsangYong е неизвесна и опстанокот на компанијата зависи од одлуките и потезите што ќе ги повлече неговиот принципал Shaghai Automotive.