Прототипот беше претставен неодамна на салонот на автомобили во Барселона каде е и потврдено дека автомобилот ќе влезе во производство следната година.

Означен како SR08 овој супер автомобил од Sunred има монокок шасија изработена од карбон и бележи 5 метри во должина и само 105 сантиметри во висина. Суспензијата е дело на Ohlins и се мести по сите параметри, а за сопирање се грижат карбон-керамички дискови со пречник од 380 mm и сопирачки клеши со по шест клипови.

Sunred SR08 ќе го задвижува моќен V10 со 500 КС кој му дава на автомобилот сооднос моќност-тежина од 2,2 kg/КС. Забрзувањето до 100 km/h трае само 3,5 секунди, а максималната брзина се проценува на 300 km/h.