Alto ќе биде главен ривал на тројката Toyota Aygo, Peugeot 107, Citroen С1, а главен адут за превласт во класата е екстензивното познавање и искуство на Suzuki во создавање на мали автомобили.

Дизајнерите на Suzuki се потрудиле да креираат млaдешки лик кој зрачи со стил, но во себе носи и спортска нота пресудна за освојување на срцата на купувачите. Пред се на помладите и припадничките на понежниот пол.

Солидноста во изработката карактеристична за Suzuki, малата тежина и нискиот коефициент на отпор на воздух, ниската потрошувачка и емисијата на издувни гасови го ставаат Alto во прв план кога станува збор за избор на градски автомобил.

Се очекува Alto да се појави на пазарот дури на пролет 2009 и во Европа ќе стартува со цена од околу 7.000 евра.