Проектот доби зелено светло и тестирањето започна. Зелениот автомобил на Suzuki се најде на улиците подготвувајќи се да ја дочека иднината.

Ниту помалку, ниту повеќе проектот SX4-FCV го одобри јапонската влада. Тој е поставен на основата на мекиот теренец на Suzuki SX4 и користи високо перформансни горивни ќелии кои ги испорачува General Motors.

Потрошувачката е следна: SX4-FCV може да помине повеќе од 110 километри со резервоар водород, но колкав е волуменот на резервоарот во Suzuki сеуште не откриваат.

Важно за проектот SX4-FCV е што покрај зелената техника за задвижување се користат и кондензатори кои ја собираат електричната енергија која се добива при сопирање или забавување и потоа ја враќаат при забрзување.

Во Suzuki се фалат дека SX4-FCV има далеку подобри перформанси од сите претходни проекти на компанијата и се надеваат дека проектот во блиска иднина ќе заживее и во серија.