Раководејќи се според специјалните таксија што вртат низ Лондон, фирмата смета дека сега се отвора простор за посебно конструирани такси возила и во метрополите во САД. Основното што треба да го задоволи едно такси возило е издржлива техника и голема, комфорна кабина. Инженерскиот тим го крена на тркала Standard-Taxi на должина од 4,99 метри, ширина од 2,02 метри и висина од 1,90 метри.

Се влегува низ четири високи врати. Од подот на возилото се извлекува рампа за човек во инвалидска количка лесно да може да пристапи до кабината. Гостите внатре седат во конфигурација 3+1 и може да се забавуваат гледајќи ја анимациската програма на рамниот монитор одзади.

Возачот си ја врши работата на седиште што се мести во повеќе правци, одвоен со преграда одзади и отстрана. Сите команди специфични за едно такси се веднаш на дофат. Со коленото може да се активира тивок аларм. Поради кутиестата форма на каросеријата што е изработена од пластика и се потпира на носечка рамка од цевни профили, Standard-Taxi е прегледен. Кога е тесно за паркирање на возачот му асистираат сензори.

За погонот стојат три можности на избор, но основата секогаш им е 4,3-литарскиот V6 од GM. Тој може по избор да работи на бензин, течен гас или земјен гас. Менувачот се разбира дека е автоматски.

Цените се уште не се објавуваат. Со користењето на стандардни делови од големосериското производство е јасно дека одржувањето на возилата ќе биде доста поволно. Под знак на прашање е дали воопшто Standard-Taxi ќе успее да го достигне култниот статус на лондонското такси.