Tata им докажа на скептиците дека не се во право и го потврдува тоа со претставување на специјална едиција на мини автомобилот која е наменета за продажба во Европа.

Nano Europa како што е наречена верзијата наменета за Европскиот пазар беше претставен на салонот во Женева и според одговорните на Tata ги задоволува европските безбедносни стандарди.

Тие не се плашат од EuroNCAP бидејќи Nano Europa е опремен со воздушни перници, ABS, па дури и електронска контрола на стабилност ESP. Секако Nano Europa наскоро ќе се најде во лабораториите на EuroNCAP кој ќе оцени колку инженерите си ја завршиле работата.

Nano Europa го задвижува бензински три цилиндарец кој снагата до предните тркала ја испорачува преку пет степен мануелен менувач. Потрошувачката е околу 5 литри, а емисијата на СО₂ пониска од 100 g/km.

Заради дополнително штедење Nano Europa нуди ефикасно електрично серво управување. Автомобилчето е малку поголемо од стандрадниот Nano и во должина мери 3.29 метри, широк е 1.59 метри и има поголемо меѓуоскино растојание развлечено на 2.28 метри.

Стартот на продажбата во Европа и цената на Nano Europa сеуште не е најавена. Затоа во Tata побрзаа да истакнат дека во Индија стартот на продажбата на обичниот Nano е закажан за 23 март.