Третата генерација на Prius по откривањето на Северно американското автомобилско шоу ќе го продолжи својот пат до купувачите. На пролет први зад воланот ќе седнат поклониците од САД и Јапонија, а подоцна автомобилот ќе се појави и на останатите пазари ширум светот, вклучувајќи ја и Европа.

Предноста на новата генерација на Prius се подобрите перформанси и подобрената економичност, но исто така на списокот предности се впишува и повеќе простор во кабината, подобра звучна изолација и подобра опременост.

Новиот Prius може да се пофали и со сончев кров опремен со соларни ќелии и интелигентен систем за помош при паркирање наречен IPA Intelligent Park Assist.

Со користење на новите иновативни технологии новата генерација на Prius може да се пофали со просечна потрошувачка од 4,7 L/100 km што е за 0,5 литри подобро од претходникот кој неможеше подобро од 5,2 L/100 km просечно. Воедно новиот Prius има емисија на СО₂ пониска од 100 g/km.

Една од причините за ниската потрошувачка е и одличниот коефициент на отпор на воздух. Со внимателно испитување во воздушен тунел инженерите успеале значително да ја подобрат аеродинамиката и да остварат коефициент на отпор на воздух од Cd 0.25 една од најниските вредности меѓу сериските автомобили.

Интересно е што новиот Prius ја задржува висината и меѓуоскиното растојание како кај претходникот, а нуди повеќе простор во внатрешноста. Ова пред се се должи на продолжената линија на кровот за 100 mm со што е добиено повеќе простор за глава на задната клупа.

Новиот Prius го задвижува помоќен 1.8 литарски бензинец кој работи во симбиоза со најновата генерција на хибридниот систем на Toyota, Synergy Drive. И спротивно на врежаното мислење, поголемиот и помоќен мотор ја намалува потрошувачката.

Создавајќи поголем вртежен момент новиот мотор е способен да работи во режим на пониски вртежи посебно на отворен пат и притоа троши помалку гориво, посебно при повисоки патни брзини.

Бројките велат дека 1.8 литарецот во Prius остварува 98 КС и максимален вртежен момент од 142 Nm, додека електромоторот остварува 80 КС и максимален вртежен момент од 207 Nm. Сето ова е доволно за забрзување до 100 km/h за 9,8 секунди.

Оптоварувањето на бензинецот дополнително е намалено со користење на електрична пумпа за вода и отсуство на било какви ремени за напојување на периферните агрегати со што дополнително се намалени загубите, подобрена е економичноста, а помала е и потребата за одржување. Ова првиот мотор на Toyota од ваков вид.

Економичноста профитира и од новиот вентил за рециркулација на издувните гасови EGR Exhaust Gas Recirculation.

Prius вообичаено може да работи само бензински мотор, само  со електромотор и комбинација од двата мотори во зависност од условите на возење. На возачот дополнително му се нудат три модуси на работа:

EV-Drive Mode возење само со електричен мотор на куси растојанија до 2 km.

Eco Mode кој ја комбинира работата на бензинецот и електромоторот за постигнување на што пониска потрошувачка.

Power Mode кој ја зголемува остеливоста на педалот за гас за поспортско чувство зад волан.

Мултифункционалниот дисплеј сега е сместен на на врв на арматурата и го прикажува циклусот на тек на енергијата кој му помага на возачот да создаде навика за поекономичен начин на возење.