Ова значи дека хибридниот погон ќе биде стандард за сите автомобили на Toyota. На прес конференција одржана на салонот во Женева, Ватанабе истакнал: „Се надевам дека ќе успееме да понудиме хибрид од секој модел до 2020.”

Главната причина според Ватанабе за воведување на хибриди е развој на иновативни технологии кои драстично го намалуваат негативниот ефект што автомобилите го имаат врз животната средина.

Секако, Toyota не е единствениот производител на автомобили кој брза да ги воведе хибридите на секое скалило од својата продукциска програма. Најблизу со плановите за воведување хибрид низ целата гама е Mercedes, а истот го тврдат и во Chrysler.

Најлутиот конкурент на Toyota на глобалниот пазар General Motors исто така е загреан за хибриди. Одговорените во амеркианскиот автомобилски гигант најавуваат воведување на 16 нови хибриди во наредните четири години.

Очигледно е дека трката за освојување на хибридниот пазар почнува. Секако со голема предност за Toyota.