Ferrari навистина се грижи за своите корисници и по уникатот P4/5, создаден на основата на Enzo за филмскиот продуцент Џејмс Гликенхаус направи уште еден уникат наречен P540 Superfast Aperta.

Новиот Ferrari P540 Superfast Aperta е изготвен апоред желбите на уште еден американец. Станува збор за Едвард Волсон син на изумителот на кабелската телевизија Џон Волсон.

Приказната за P540 Superfast Aperta почнува во 2008 кога Едвард Волсон пристигнал во Маранело со цел да им предочи на одговорните во Ferrari за својата замисла за уникатен автомобил.

Волсон всушност нарачал модерна интерпретација на тркачот на Ferrari North American Racing Team, 250GT NART Spyder од 1965, автомобил кој во 1968 се појавил кус филм на Фелини со наслов Toby Dammit инспириран од приказна на Едгар Алан По.

Идејата им се допаднала на одговорните во Маранело и по 14 месеци работа на проектот зад чив дизајн се потпишува Pininfarina на светот пристигнува Ferrari P540 Superfast Aperta поставен на основата на 599 GTB Fiorano.

Интересно е што Волсон учествувал во секоја фаза од создавањето на P540 Superfast Aperta.

Без оглед што се направени опсежни модификации и дополнителни засилувања за купето да се претвори во кабриолет и каросеријата да ја задржи торзионата крутост, P540 Superfast Aperta е само 20 kg потeжок од 599 GTB благодарение на обилното користење на карбон-фибер.

Уникатот во должина мери 4.731 mm, широк е 1.954 mm и висок е 1.300 mm. Меѓуоскиното растојание изнесува 2.750 mm, трагата напред е 1.690 mm, а назад 1.620 mm.

Под хаубата работи истиот 6.0 литарски V12 кој и во P540 Superfast Aperta испорачува 620 КС при 7.600 врт/мин и максимален вртежен момент од 608 Nm при 5.600 врт/мин. Снагата до задните тркала се пренесува преку секвенцијалниот шест степен менувач F1.

Ferrari P540 Superfast Aperta стои на леснометални бандажи од 20 инчи обуени во гуми 245/35 напред и 305/35 назад. Во Ferrari сеуште на ги објавуваат перформансите единствено се знае дека во просек троши 17,9 L/100 km и има емисија на СО₂ од 415 g/km.

Но, на крај перформансите и не се толку важни. Најважно во случајот е што Едвард Волсон е пресреќен бидејќи како што вели „Ова е најубавиот подарок за Божиќ што сум го добил во мојот живот”.