Причината зошто овој V12 TDI се најде сместен во шасијата на R8 е јасна и води до тркачот од Леман и двократниот победник на 24 часовната трка Audi R10 кој во основа го носи истиот мотор.

6.0 литарскиот турбо дизел со 550 КС и вртежен момент од 1.000 Nm го катапултира R8 до 100 km/h за 4,3 секунди и го турка до максимални преку 300 km/h. Вгрaдувањето на овој мотор во R8 бараше и одредени модификации на спортскиот автомобил кој во себе инкорпорира голем дел од технологијата на Audi развиена за на трки.

Моторот во тркачот R10 за разлика од серискиот има 5.5 литри зафатнина, но испорачува дури 650 коњски сили кои го туркат болидот до максимална брзина од преку 330 km/h.

Карактеристично за моторот е поставеноста на цилиндрите под агол од 60 степени, новиот погон на брегастите вратила со ланец и две комплетно нови пумпи за висок притисок за системот за директно вбризгување на горивото комонраил, а воздухот го вшмукува преку систем од канали кој води преку кровот.

Моторот се произведува во фабриката за мотори на Audi во Унгарија.