Финализиран е договорот од зделката меѓу американскиот Ford и кинескиот Geely по што шведскиот производител на премиум автомобили Volvo и официјално минува во рацете на кинеската марка.

Volvo e кинески и тоа е факт. Со ставањето крај на детализирањето на зделката меѓу Ford Motor Company и Zhejiang Geely Holding Group Company Limited или скратено Geely.

Кинезите го купија Volvo за крајна сума од 1.78 милијарди долари како што беше договорено во март годинава што е значително помалку од 6.5 милијарди евра колку што плати Ford плати за Volvo во 1999 и веднаш ги сменија работите во компанијата.

Имено по поставувањето на Ли Шуфу за шеф на бордот на директори на Volvo Cars избраа и извршен директор. Чест да ја води компанијата како извршен директор му припадна на Стефан Јакобс кој ја напушта истата функција во Volkswagen Group America.

Додека досегашниот изврешен директор на Volvo Cars, Стефан Одел се враќа во Ford како претседател на Ford Europe, а финансискиот директор на Volvo, Стјуард Роули исто така заминува во Ford Europe на истоимената функција.

Кинезите истакнуваат дека нема да има затворање на ниту еден капацитет на Volvo. Напротив, тие покрај фабриките во Шведска и во Белгија планираат изградба на нови капацитети во Кина.

Според развојните планови на Geely, Volvo во следните 5 години треба двојно да ја зголеми продажбата на светскиот пазар и да изгради стабилен пазарен удел во Кина кој ќе продолжи да се зголемува со текот на годините.