Политиката на Opel според која беа скроени и актуелните хечбек верзии на Astra со пет врати и Astra Sport со три врати продолжува и кај новата генерација на Astra.

Меѓутоа идејата на одговорните во General Motors и во Оpel е дизајнот на верзијата со три врати максимално да се одвои од дизајнот на веќе претставениот модел со пет врати.

Тука лежи причината зошто Малком Вард ja најавува Astra Sport како автомобил со вонземен дизајн. „Новата Astra со три врати ќе биде еден драматично дизајниран автомобил, чија сериска верзија ќе биде многу блиска до цртежот што ви го претставувам,” истакнува Вард.

„Новата Astra со пет врати мина преку 600 часа во воздушпен тунел заради фино дотерување на аеродинамиката,” вели Вард. „Токму затоа таа има ниска потрошувачка и е тивка. Така ќе биде и со версијата со три врати.”

„Во Opel многу полагаме во ниската потрошувачка и таа тенденција продолжува за сите нови модели,” заклучува главниот дизајнер на Astra.

Според него новата Astra е значително подобра од актуелниот модел кога е во прашање аеродинамиката. Предниот браник е поставен под таков агол што го насочува воздухот кон страниците на автомобилот.

Тука се и специјално изведените зони околу задните светла кои што го намалуваат влијанието на воздухот што вртложи и се собира зад автомобилот.

Иако го претставува цртежот и нафрла само куси детали за новата Astra Sport, Малком Вард не кажува ниту збор за техничките детали, но и за деталите на Astra OPC.

Претпоставките се дека и новата Astra OPC ќе го користи истиот 2.0 литарски турбо бензинец кој сега испорачува 240 КС, но за новата генерација снагата би можела да му биде подигната на 250 до 260 КС.

Astra Sport и Astra OPC би требало да се појават на пазарот во првата половина на 2011.