Големиот SUV на Porsche, Cayenne, од втората генерација е првиот модел на марката којшто под хауба пакува дизел мотор. Комбинација која се покажа како успешна без оглед на негодувањата.

Фановите на Porsche никако неможеа да се помират со овој факт, но резултатите од продажбите говорат поинаку. Понесен од успехот на Cаyenne со 3.0 литарски V6 турбо дизел со моќност од 240 КС, Porsche оди понатаму.

Дизелската авантура продолжува. Наскоро во Cayenne ќе се појави 4.2 литарскиот турбо дизел со осум цилиндри во V распоред. Неговата модерна верзија прв ја понесе новиот Audi A8, а подоцна проврте и во Volkswagen Touareg.

И додека 4.2 V8 TDI во А8 и во Touareg остварува 350 КС, одсносно 340 КС и максимален вртежен момент од 800 Nm, во Porsche сметаат дека тоа не е доволно. Нивните инженери имаат поинакви идеи.

За нив спринтот до 100 km/h од 5,8 секунди што го нуди Touareg не е доволен. Тие сакаат вредноста да се спушти под 5 секунди. За сега од Porsche молчат и не сакаат да ја наведат ниту претпоставената моќност.

Исто така не откриваат ниту кога ќе биде претставен Cayenne со дизел V8. Има две варијанти, или во Женева следнито месец, или на есен во Париз. Останува да видиме.