|
19.06.2007 |
 Со белиот NoLimit, Volkswagеn пушти на пазарот строго ограничена серија од моделот California. Ексклузивното комбе за кампување ќе се произведе во серија од само 222 примерока. Сите возила ќе носат бројче.
California NoLimit се тркала на бандажи од 18 инчи. Стаклата и задните светла се затемнети, Climatronic, сензори за паркирање и мултифункциски волан се во серија. Со тоа се добива уште систем за навигација со DVD-player, мобилен монитор и iPod од 30 гигабајти. Седиштата се обложени со комбинација од кожа и алкантара.
Ванот опремен за кампување ќе се испорачува само со 2,5-литарскиот дизел, со рачен или автоматски менувач, а само неколку примероци ќе имаат блокада на диференцијалот и погон на сите тркала 4MOTION. Цените за California NoLimit почнуваат од 69.996 евра.
|
