Секако Golf дизел-хибрид ќе биде претставен на салонот во Женева и според пресметките во просек ќе троши само 3,4 литри дизел на 100 изминати километри со емисија на СО₂ од ниски 89 g/km.

Автомобилот безмалку е спремен за сериско производство, но во VW велат дека за сега ќе го прикажат само како концепт бидејќи во план е уште една фаза на подобрувања пред конечно да влезе во серија.

VW работи на хибриди уште од раните деведесети на минатиот век, но сеуште не влегува на голема врата со сериско производство на истите. А дека работи на дизел-хибрид покажа уште во 2004 на релито на економичноста Bibendum Challenge.

Но, дека во VW не мислат само на ниската потрошувачка велат и најавите за светска премиера на уште неколку модели. Станува збор за долго најавуваниот Scirocco , потоа Passat кој како погонско гориво ќе користи етанол или Е85, еколшки Sharan Bluemotion и Passat Coupe.