Веќе пишувавме за нивната стратегија за намалување на бројот на платформи врз кои ќе бидат поставени народните автомобили во иднина, а веднаш по оваа информација доаѓа инвестицијата од 9,5 милијарди евра до 2010.

За целата групација на VW ќе бидат потрошени вкупно 28,9 милијарди евра во наредните три години. Оваа огромна инвестиција ги покрива сите марки под капата на групата VW, вклучувајќи ги Skoda, Seat, Audi, Lamborghini, Bugatti, Bentley и секако Volkswagen.

Од вкупната инвестиција само 3 милијарди евра ќе бидат потрочени за развој на автомобили. Останатите одат на модернизирање на капацитетите во Германија.

Дел од оваа инвестиција е и новата фабрика во Калуга, Русија каде производството стартуваше пред два дена. Таму до пролет 2008 ќе се склопуваат VW Passat и Skoda Octavia. Потоа покрај овие два модели русите ќе склопуваат и Skoda Fabia и VW Jatta, а кон крајот на 2008 и VW Tiguan.

Се очекува до карјот на 2008 во Калуга да бидат произведени 66.000 автомобили. Во 2009 се очекува дополнување на производната гама и со VW Polo и пораст на продукцијата на 115.000 возила годишно со можност за раст и достигнување на максималниот капацитет од 150.000 автомобили на годишно ниво.