Новиот концепт е наречен space up! И во суштина е четири вратна варијанта на оригиналниот up! и доаѓа со подолго межуоскино растојание и поширока трага.

Концептот во должина мери 3,68 метри, а неговата ширина изнесува 1,63 метри обезедувајќи доволно простор за четири патници како и за моторот сместен од зади.

Кога ќе влезе во серија up! че го задвижуваат бензински, дизел и електрични мотори и би се појавил на пазарот до 2010. Концептот space up! исто така има дводелна задна врата зад која се крие багажен простор од 1.005 литри кога задбата клупа е склопена.

space up! е окарактеризиран како комплетен четирисед кај кого седиштата можат да се склопуваат вртат и вадат, а во задната клупа се вградени две седишта за деца. За да се претворат од седишта за возрасни во седишта за деца, површината за седење и двата потпирачи за раменици едноставно се преклопуваат и излегуваат од седиштето.

Во кокпитот монитор од 8 инчи ги прикажува сите информации за возилото како брзината, нивото на гориво и колку далеку можете да стигнете со него како и моменталната емисија на СО₂. Во средина на арматурата втор 7 инчен монитор ја контролира навигацијата, телефонот, радиото и интернет конекцијата.