Seat ќе биде првиот производител што ќе влезе со автомобил погонет со дизел во WTCC, Светскиот шампионат со сериски-модификувани автомобили на FIA.

Двата дизелски тркачи првпат ќе настапат во Шведска на 28 и 29 јули.

Автомобилот кој вози со 2.0 литарскиот дизел базиран на уличниот тркач со 170 КС во спецификацијата за WTCC остварува неверојатни 280 КС со помош на турбо.

Големата моќност и биковскиот вртежен момент на предните тркала се пренесуваат преку сосема нов секвенцијален менувач. Според правилата на WTCC автомобилите со дизел мора да тежат 30 килограми повеќе.

Но, дополнителната тежина не ги плаши инженерите во Seat бидејќи тие се потпираат на големиот вртежен момент кој го прави Loen подеднакво компетитивен како и бензинската верзија.